Претставата „Слепци“ во режија на Ќендрим Ријани, во продукција на Турскиот театар од Скопје ќе биде премиерно изведена вечерва во 20 часот на матичната сцена. Претставата е спој на две литературни идеи, како што се делата „Слепци“ од Морис Метерлинк и „Погубни идентитети“ од Амин Малуф.
– Единаесет слепи ликови, фрлени во просторот, се трудат да го најдат патот, да се вратат назад. Но, одвреме-навреме тие се оттргнуваат од физичката слепост и велгуваат во лавиринтите на потрагата по самите себеси. Притоа, одново доживуваат моменти од нивниот живот. Овие ликови ќе ве натераат да живеете заедно со нив, да си поставите прашања, но и да најдете одговори за убавината на физичките и идентитетските различности на сите живи суштества кои живеат во овој заеднички свет. Свет, каде различноста е токму најубавата страна на привремениот живот што го живее и секој човек – вели Ријани.
Улогите ги толкуваат: Џенап Самет, Хакан Даци, Јеткин Сезаир , Сузан Акбелге, Фунда Ибрахим, Несрин Таир, Слаѓана Вујошевиќ, Емине Халил, Зубејде Али, Инес Радинчиќ и Един Јакуповиќ.
Музиката е на Емрах Џемаили, а костимите на Медина Хоџа и Маја Ѓуреска.
