Во 2020 година, со сопствени средства го возобновува тонското студио на Филсмкиот центар „Вардар филм“, а од истата година е и член на Филмскиот совет на Агенцијата за филм.
Сашко Мицевски, филмски и ТВ монтажер и дизајнер на звук е нов вршител на должноста директор на Агенцијата за филм, информира Владата. Познат по неговото авторско име Сашко Поттер Мицевски, студирал филмска и ТВ монтажа на Факултетот за драмски уметности во Скопје, а во 2015 година, како добитник на стипендија од Министерството за образование и наука, заминува на постдипломски студии на престижното Национално филмско и телевизиско училиште во Англија, каде учи од етаблирани професионалци како Грахам В. Хартстоун („Blade Runner“, „Aliens“), Енди Кенеди („The Crown“, „Game of Thrones“, „Harry Potter“), и Роџер Дикинс („Sicario“, „Skyfall“, „1917“) и работи на филмови прикажани на реномирани меѓународни фестивали.
Неговото професионално искуство опфаќа работа во Англија на проекти за BBC и филмови во продукција на „Пајнвуд студиос“ Pinewood Studios („Sherlock Gnomes“, „Mowgli“, „Fantastic Beasts: The Crimes of Grindelwald“ и „Birdbox“), како и авторски ангажмани во постпродукција на македонски аудиовизуелни дела, меѓу кои и ТВ сериите „Преспав“ и „Куќен притвор“.
Добитник е на бројни награди, меѓу кои награда од Royal Television Society и номинација за Daytime Emmy. Во 2020 година, со сопствени средства го возобновува тонското студио на Филсмкиот центар „Вардар филм“, а од истата година е и член на Филмскиот совет на Агенцијата за филм.
