Во Народниот театар во Штип вечерва во 20 часот ќе се одржи праизведба на комедијата „Обвинителка“ од Огнен Неделковски, во режија на Сашо Ристовски. Ќе настапат актерите: Лидија Вукиќевиќ од Србија, Магдалена Ризова-Черних и Сашо Ристовски. Костимите ги изработи Елена Лука, сценографијата на Крсто Богојевски, а музиката е на младиот композитор Мишел Трајковски.
Претставата заборува за љубовта и страста што можат да му сторат на еден човек, како е да се плашиш и да живееш во страв дека те прислушкуваат, колку и на што се сме спремни за да побегнеме од одговорност и многу општествени случувања кои се карактеристични на денешното време.
Театарскиот проект е поддржан од Министерството за култура, почестниот српски конзулат со седиште во Охрид, Центарот за култура „Ацо Шопов“ од Штип и други.
