На Универзитетот „Св. Кирил и Методиј“ во Скопје денеска ќе се одржи отворен ден во два термина – од 10 и од 12 часот. На настанот ќе бидат презентирани студиските програми на факултетите, активностите на студентите, центрите за кариера.
– Идните студенти ќе имаат можност да ги запознаат одблиску професорите и студентите, да прашаат сè што ги интересира за студиските програми, можностите за стипендирање, да ги слушнат искуствата на студентите, нивните активности и вклученост во научноистражувачките проекти, да дознаат за можностите за меѓународна размена, за студентскиот живот, за практикантството, за кариерните можности – велат од УКИМ.
Тие ќе имаат можност да прошетаат низ факултетите на УКИМ, да се запознаат со нивните физички капацитети, предавални, лаборатории.
