„Рокенрол во џезот“ (Rock’n’Roll in Jazz) е насловот на концертот на Националниот џез оркестар, што со големо нетрпение го очекува публиката вечерва во 20 часот во Македонската филхармонија. Гости на концертот ќе бидат музичките легенди Дарко Рундек, Рамбо Амадеус и Влатко Стефановски, а диригент е Џијан Емин. Концерот се распродаден за само неколку дена.
– На сцената ќе ни се придружат три имиња што сите ги знаеме и ги обожаваме: неповторливиот Влатко Стефановски, легендарниот Дарко Рундек и авангардниот Рамбо Амадеус – велат од Националниот џез оркестар.
Дизајнот на плакатот е на Сергеј Андреевски и Небојша Спасиќ.
