„Кој ја плаќа сметката? Цената на нееднаквоста” е темата на панел-дискусијата што ќе се одржи денеска во 12 часот во Јуроп хаус во Скопје. Дискусијата се реализира по повод Меѓународниот ден на жената, а ја организира мрежата на Јуроп хаус низ земјава, под наслов „Носи ја промената” (Wear the Change). Оваа иницијатива има за цел да се соочи со суровите економски и социјални проблеми со кои се соочуваат жените во Северна Македонија.
На присутните ќе се обрати Бен Нупнау, вршител на должност амбасадор на Делегација на ЕУ. Ќе учествуваат: Никица Кусиникова, (ГО Конект), претставник на „Реактор“, Македонка Димитрова, универзитетска професорка и претприемач и претставник од Министерството за економија и труд. Модератор ќе биде Кристина Хаџи-Василева од Консалтинг за стратешки развој.
Надминувајќи ја основната социјална свест, настанот ќе ги испита структурните економски недостатоци кои жените во Северна Македонија ги доживуваат во текот на животниот циклус — од образование и влез на пазарот на труд, до напредок во кариерата, претприемништвото,
обврските за грижа за семејството и пензионирањето.
Дебатата ќе истражи како родовата нееднаквост функционира како системска економска нерамнотежа со мерливи финансиски последици врз доживотната заработка на жените, пензиската сигурност, стабилноста на домаќинствата, деловната конкурентност и националниот
економски раст.
