Александра Кочоска-Дековиќ, продуцентка на визуелни ефекти на неколку американски хит-серии ја доби престижната награда „Еми“ на синоќешната свеченост во Лос Анџелес. Нејзиниот тим е награден во категоријата исклучителни специјални визуелни ефекти во поединечна епизода, за Su’kal во серијалот „Ѕвездени патеки: Откритие“.
Кочоска дипломирала англиски јазик на Филолошкиот факултет во Скопје во 2010 година, па одлучила да замине во САД каде го запознала својот иден сопруг Анте, кој работел визуелни ефекти. Денес Александра е продуцент на визуелни ефекти на неколку американски хит-серии, меѓу кои „Ѕвездени патеки: Кратки филмови“, „Заспаната долина“ (Sleepy Hollow), координатор е на визуелни ефекти на првата сезона на „Безгранично“ (Limitless), „Вистински детектив“ (True Detective). Работи како продуцент на визуелни ефекти на серијата „Ѕвездени патеки: Откритие“.
