На 66 години денеска почина актерот Лазе Манасковски, долгогодишен член на ансамблот на Драмскиот театар од Скопје. Дипломирал на Факултетот за драмски уметности при Универзитетот „Св. Кирил и Методиј“ во Скопје. Во 1983 се вработил како глумец во Драмски театар – Скопје, каде работеше сѐ до неговото пензионирањето во 2022 година.
Многу играни и ТВ-филмови се впишани во неговата биографија.
Во текот на својата кариера, Манасковски оствари бројни улоги и даде значаен придонес во развојот на македонскиот театар. Колегите го паметат како посветен професионалец, коректен соработник и човек со силно чувство за одговорност кон сцената и професијата.
Вечерашната изведба на претставата „Куршуми над Бродвеј“ ќе се одигра во негова чест, велат од Драмскиот театар.
Фото: Википедија
