Здружението „Икуалити“ ќе ја организира третата инклузивна новогодишна забава што ќе се одржи на 26 декември во „Скопје сити мол“. Ќе биде подготвена музичка и забавна програма, активности за деца, креативни работилници, како и можности за дружење за сите присутни, преку што ќе се поттикне позитивна енергија и инклузија, како водечки вредности на овој настан.
Преку вклучување на соработници во креативни театарски перформанси, забавна музичка програма, но и во рамки на едукативни и интерактивни активности насочени кон подигнување на свеста за инклузијата и заедништвото, Здружението „Икуалити“ настојува да ја продолжи сорааботката со општествено одговорни организации и поединци. На тој начин сите вклучени страни заеднички создаваат посилна заедница и поттикнуваат меѓусебно разбирање.
– Преку оваа иницијатива, продолжуваме и понатаму да ги јакнеме нашите заложби за подобрување на заедништвото, еднаквоста и прифаќањето во нашето општество – тоа се нашите основни вредности.“ – изјави Ружица Стојановска,
проектен координатор во здружението.
