До 6 април е отворен повикот за учество на работилница (тренинг-камп) што ќе се одржи од 25 до 29 април во Маврово, а ја организираат Центарот за современа уметност од Скопје и ДЕЛИ – Простор за креативна дејност, од Ниш, Србија. Повикот е наменет за сите заинтересирани млади уметници, активисти, ликовни активисти, членови на независни и локални иницијативи, граѓанско општество организации, студенти и други млади луѓе на возраст од 20 до 29 години. Сместувањето и патните трошоци за учество ќе бидат покриени од организаторите.
Работилницата се одржува во рамките на проектот „Млади, култура и активизам за промени“, финансиски поддржан од RYCO/Регионална канцеларија за младинска соработка. Проектот е посветен на создавање нови можности за младите да иницираат соработка, да уриваат бариери и да поттикнуваат позитивни промени во нивните заедници.
– Работилницата ќе биде фокусирана на користење на културата, уметноста и активизмот како алатки за иницирање промени и поттикнување соработка. Темите кои ќе бидат опфатени ќе вклучуваат: Креативен и уметнички активизам, млади и културна дипломатија, меѓукултурна соработка, развој на самоорганизација и локална иницијатива, помирување и разрешување конфликти преку уметност и култура, поддршка на малцинствата и регионална соработка – велат од Центарот за современа уметност.
Целта на работилницата е да им помогне на учесниците да развијат вештини и практични пристапи за искористување на нивните социјални и културен капитал за иницирање позитивни општествени промени. Истовремено, целта на проектот е да ја зголеми видливоста на клучните прашања со кои се соочуваат на локално, национално и регионално ниво.
Проектот предвидува вклучување на 20 млади луѓе од различно потекло (уметници, активисти, малцинства претставници и млади од руралните и маргинализираните групи). Работен јазик на работилницата е англискиот, како и локални јазици. По завршувањето, учесниците ќе можат да дизајнираат и имплементираат две локални иницијативи (по една во Македонија и во Србија).
Сите заинтересирани да го поднесат формуларот за учество до 6 април. Формуларот е достапен на линкот. Пополнетиот формулар испратете го на: nikola@scca.org.mk nikola@scca.org.mk (учесниците од Македонија) и pericteodora98@gmail.com (учесниците од Србија).
Наловна фотографија: Креативна акција во Кратово (архива)
