Триесет новосоздадени дела на 14. Графичка работилница „Софија“ вечерва во 20 часот ќе бидат изложени во Домот на културата „Бранд Петрушев“ во Богданци. Работилницата траеше една недела, а учествува шестмина млади и талентирани уметници од ликовните академии во Србија, Хрватска, Италија и од Македонија. Тие работеа под менторство на уметницата Сања Жигиќ од Србија.
Поради пандемијата, годинава беше редуциран бројот на учесниците за да може да се почитуваат протоколите за заштита од ковид-19. Сепак, од здружението Графичка работилница „Софија“ Богданци одлучија да не дозволат пандемијата да ѝ застане на патот на уметноста. Главен поддржувач на настанот е Печатница „Софија“ Богданци, а одржувањето го помогнато и Министерството за култура и Општината Богданци. Графичката работилница „Софија“ првпат се одржа во 2008 година и досега низ неа продефилираа повеќе од 200 млади графичари од целиот регион. Улогата на ментори ја имаа истакнати графичари и универзитетски професори од Македонија, Србија, Хрватска и Босна и Херцеговина.
