Во длабоките сенки на величествените пејзажи на Пелистер, група битолски фотографи се собраа да ја истражат суровата убавина низ нивните објективи, под водство на Љубомир Стефанов, коавторот и режисер на македонскиот документарен филм „Медена земја“ номиниран за „Оскар“. Фотографската работилница не беше само едукативна точка, туку патување во концептот на планинската фотографија.
Љубомир Стефанов
Учесниците влегоа во тајните на доловувањето на пејзажите под менторство на Стефанов, чие сопствено фотографско патување пред многу години започна токму на Пелистер. Неговата страст за љубовта кон фотографијата не е само лекција по оваа уметност која е игра на светлината, туку зараза што го трансформира начинот на кој се перципира планинскиот терен.
– Оваа работилница беше повеќе од искуство за учење, тоа беше откровение на сложениот танц на светлината, сенката и теренот низ окото на објективот – учесник ан работилницата.
Завршница на ова патување ќе биде претстојната изложба под ведро небо кај живопсиното Ротинско Езеро во Националниот парк „Пелистер“. Изложбата е насловена „Визуелни приказни од Пелистер“. Учесниците ќе ги прикажат своите визуелни интерпретации на 2 март во 12 часот.
Работилницата и изложбата се дел од проектот „Дали сте подготвени за Пелистер? / Are you ready for Pelister?“ на ПРЕДА Плус Фондација и се спроведува во рамки на Регионалната програма за локална демократија во Западен Балкан 2 – ReLOaD2, финансирана од Европската унија (ЕУ), а ја имплементира Програмата за развој на Обединетите нации (УНДП). Проектот е кофинансиран од Општина Битола.
