Гитаристот Филип Динев ја прими наградата за најдобар млад музичар за 2020 што му ја додели Интернационалниот џез фестивал (Jazz Factory) од Битола. Наградата е именувана според познатиот битолски музичар Гоце Димитровски, кој остави неизбришливи музички траги во текот на својот живот. На сцената на Народниот театар од Битола, Динев настапи со својот состав Филип Динев трио во кое членуваат Кирил Туфекчиевски на контрабас и Славчо Коцев на тапани. Заедно со музичарите Пјер Мартин и Дени Ардеј, тој е основач на триото Szvetlo.
Роден во Гевгелија, Динев во последните години во Хамбург каде е фокусиран на своите магистерски студии. Бил член на повеќе музички состави Гоце Стевковски Сепсет, Филип Динев Светло, Harrison’s Quartet, In Between Quartet. Szvetlo е состав што ги спојува класичните и балканските елементи.
Четвртото издание на фестивалот„Џез фактори“ (Jazz Factory) се реализираше од 1 до 3 јули во Битола. Настапија реномирани имиња од џез сцената, од регионот и светот.
Насловна фотографија: Jazz Factory Festival
