До 25 јуни во ќе биде отворена изложбата F.L.Y.O.M на академскиот вајар Кирил Василев, во Отвореното графичко студио при Музејот на град Скопје. Проектот F.L.Y.O.M е алегорична site specifik поставка чија изразена сатирична нота недвосмислено упатува на социјална, нималко ласкава критика во чие средиште е homo sapiens.
Василев работи во Театарот за деца и младинци како куклар и реквизитер. Автор е на голем број сценографии и костими во повеќе театарски претстави и филмови, а во 2012 година за претставата „Приказни за Шехерезада и Шахријар“ што режисерот Деан Дамјановски ја постави на сцената на Турскиот театар во Скопје ја доби наградата за сценографија на театарскиот фестивал „Војдан Чернодрински“.
Фото: Станко Неделковски
