Во македонскиот Културно-информативен центар во Софија во 18.30 часот вечерва ќе се одржи промоцијата на бугарското издание на романот „Тегли“ од писателот Јордан Коцевски. Романот во Софија ќе биде претставен од авторот лично, книжевниот критичар Пламен Тотев, редакторот Марјан Петров и преведувачката Тања Попова.
Мрачниот трилер ја раскажува приказната за криминалот во сите негови нијанси, како и за најсуровите ужаси што една личност е способна да ги направи. Професионален крадец провалува во сеф во домот на богат човек и открива дека вредните предмети внатре се всушност збирка тегли полни со застрашувачка содржина. Тој е заробен од колекционерот и мора да најде начин да избега од него.
Јордан Коцевски е доктор по менаџмент во туризмот и угостителството. Напишал повеќе од 30 научни статии пред да одлучи да се занимава со својата вистинска страст – пишувањето уметничко творештво. Неговите први книги са стрип антологија, графички роман и збирка со раскази.
Ентузијастичките реакции на читателите на неговиот прв роман, „Тегли“, објавен во 2021 година, докажаа дека знае што прави, па затоа реши да пишува повеќе. Така се појавија „Заследи ме“ и „Наследство: Прозорецот“ во 2022 г. и „Зборови“ во 2023 г.
Јордан живее во Охрид, црпејќи инспирација од неговите мистерии и убавини, додека работи како туристички водич и уредник на електронското книжевно и уметничко списание „(e)Lit“.
