Во театарот „Војдан Чернодрински“ во Прилеп во тек се подготовките за претставата „Поблиску“, по текст од Патрик Марбер, во режија на Кирил Петрески. Ова е праизведба на „Поблиску“ во прилепскиот театар.
– Се работи за еден специфичен драмски текст кој што се занимава со односите на маж – жена и прави анализа на деструктивните можности на љубовта, интимноста и телесните желби меѓу два модерни пара – вели режисерот Петрески.
Во претствата играат: Наташа Ачански, Катерина Чакмакоска-Клинческа, Илија Волчески и Дарко Карбески.
Костимограф е Александар Џинго, изборот на музиката е на режисерот Петрески и Томе Темелкоски. Премиерата е планирана за месец мај.
Авторот Патрик Марбер е современ англиски драматург, театарски и филмски режисер, актер и сценарист. Автор е на повеќе пиеси, сценарија за филмови, професор по современ театар на Оксфордскиот универзитет.
