Претставата „На отворено море“ во изведба на Народниот театар од Битола, во режија на Благој Мицевски, завчеравечер ја воодушеви публиката на фестивалот Direction East во Бјалисток, Полска. Претставата е работена според делото на Славомир Мрожек, а во истата играат: Марјан Георгиевски, Никола Пројчевски, Живко Борисовски, Васко Мавровски и Петар Спировски.
„Беше брилијантно, апсурдно и актуелно во исто време“, истакнуваат од фестивалот. Меѓу бројната публика беше и македонскиот амбасадор во Полска, Јасмин Ќахил.
Драматург на претставата во која се поставува за тоа каде е човештвото денес, е Оливера Павловиќ. Костимографијата е на Благој Мицевски, сценографијата на Валентин Светозарев, музика Александар Димовски, светло Игор
Мицевски, видео Владимир Переловски, дизајн на рекламен материјал: Сашо Илковски. После изведбата следуваше разговор со екипата на претставата и публиката.
Фотографии: Бартек Варзеча
