Уметници од Македонија и од Грција деновиве учествуваат на тридневна креативна колонија ArtVar 2023 што се одржува во Лерин. Во рамки на колонијата е отворена и изложба, а проектот е реализиран како соработка помеѓу Здружението на традиционални танци „Лингистес“ од Лерин и Друштвото на ликовни уметници Битола. Темата се традиционалните носии од пределите на Баба Планина.
Уметници од двата града (членови на ДЛУБ и од Академијата за ликовна уметност при Универзитет на З. Македонија во Лерин) имаа можност во регионот на Преспа, да ги запознаат местата, истражувачкиот материјал, беа во контакт со различноста на природните материјали, да бидат инспирирани и да создаваат свои дела вклучувајќи ја локалната култура со современите уметнички пристапи.
Целта на акцијата беше зајакнување на уметничката активност во областа на визуелните уметности, промовирајќи го регионот и неговиот посебен етнички карактер. Проектот е поддржан од Министерството за култура на Грција.
Од Македонија учествуваат шестмина уметници – Вангел Крстиновски, Николче Српчански, Буба Мешкова Солак, Филип Јовески, Валентина Илијевска, Перо Кованцалиев.
Кон крајот на јануари изложбата ќе биде поставена и во Битола, како и една изложба во Преспа, каде што се одржува колонијата.
Од април до август 2023 е извршено истражување, записи и испитување на културниот предмет што се однесува на националната носија низ планината Баба во Грција и Македонија. За оваа иницијатива се користеше архивски материјал, фотографии, филмски записи, интервјуа итн., и околу 180 народни носии во сопственост на Грчкото здружение на традиционални танци „Лигистес“. Во здружението е регистрирана и документацијата што се однесува на домородните етно културни националности на Баба Планина, како Власите бегалци-Арванти, а консултирана е и збирката на 160 народни носии од етнолошкиот музеј во с. Подмочани во областа Преспа, една од најбогатите етнолошки збирки. Севкупниот истражувачки материјал беше искористен за работилниците при визуелно-креативно изразување.
