Во Офицерскиот дом во Битола, денеска од 11 до 18 часот, ќе се одржи еднодневен Саем на креативни индустрии. На саемот ќе се претстават 15-тина изложувачи кои се дел од креативниот сектор од Битола и пошироко. Ќе бидат промовирани многубројни производи и услуги од областа на креативните индустрии, вклучително различни модни брендови, рачно изработен накит, новчаници, свеќи, робот, ќе има лего едукација за деца, ќе се презентираат маркетинг решенија и друго.
Настанот годинава е со фокус на одржливоста. Станува збор за вториот дел од Саемот на креативни индустрии во организација на здружението Балкан синема ситис. Првиот дел беше одржан на 28 и 29 ноември во Скопје и истиот обедини повеќе од 40 изложувачи.
Настанот е под покровителство на Министерството за култура, Општина Битола и КИЦ Битола.
