Секој нов концерт на Националниот џез состав претставува нов празник, нов предизвик за публиката, која веќе до последно столче ги исполнува гледалиштата. И на концертот предводен од австрискиот диригент Зиги Фајгл, во четвртоко вечерта се докажа тоа. Сведочевме концерт посветен на џез-бенд лидерот, пијанист, композитор и аранжер, Стен Кентон и на афро-кубанската музика.
Кубанските ритми, виртуозноста на нашите џезери, а овојпат до израз дојдоа дувачките инструменти, во комбинација со харизматичниот Фајгл, беа полн погодок. Сета почит од нашата публика за диригентот Зиги Фајгл кој ги знаеше со име и презиме сите музичари до еден во нашиот состав. Овде имате 24 срца што свират за вас и многу се радувам што ги гледам како растат!
Концертот Cuban Fire беше музички огномет, вечер за паметење! (С.Ѓ)
Фото: Маја Аргакијева
