Регионалниот натпревар во пливање, настан во рамките на проектот на Обединетите нации „Младите за инклузија, еднаквост и доверба“, од страна на Фондот за население на Обединетите нации (УНФПА) во Северна Македонија, во соработка со Специјалната Олимпијада, се организира од денес до 7 април во базенот на СЦ „Борис Трајковски“ во Скопје. Целта на настанот, на кој учество ќе земат спортисти со интелектуална попреченост од регионот, е промовирање свест за инклузија преку спортот и регионална соработка меѓу младите во регионот.
Настанот е поддржан од Делегацијата на Европска Унија. Во 11 часот во Europe House Скопје воведен говор ќе одржи евроамбасадорот Дејвид Гир. Меѓу учесниците ќе бидат: Џон Кенеди Мосоти, директорот на Фондот за население на Обединетите нации – УНФПА за Македонија, Матео Секи, спортски менаџер Специјална Олимпијада за Европа и Евроазија и Моника Бошкова, претседател на македонската Специјална олимпијада.
Обединетите нации преку проектот „Млади за инклузија, еднаквост и доверба“ ширум Западен Балкан, во период од две години (2022-2024), имаат за цел да ги поттикнат младите луѓе да создаваат конструктивни наративи, меѓукултурен дијалог и родова еднаквост, поттикнувајќи го меѓусебното разбирање и доверба во регионот.
Иницијативата „Млади за инклузија, еднаквост и доверба“ цели кон обединување на младите од различно потекло, охрабрувајќи ја комуникацијата и размената преку спорт, култура, граѓанско образование и проекти во заедницата, вклучително и климатски и еколошки акции. Од клучно значење за иницијативата е подобрувањето на медиумската писменост и вештините за критичко размислување, поддршката на младите во борбата против негативната пропаганда, говорот на омраза и дигиталното насилство, со фокус на родовите прашања.
Покрај тоа, иницијативата се стреми да го зголеми младинскиот ангажман во градењето социјална кохезија и застапувањето за ставање крај на онлајн и офлајн говорот на омраза. Ги охрабрува младите новинари и активисти да промовираат конструктивни, родово чувствителни наративи во медиумите и образованието. Дополнително, им дава овластување на младите да пријават говор на омраза на платформите на социјалните медиуми.
Иницијативата на Обединетите нации „Млади за инклузија, еднаквост и доверба“ ги поканува младите од регионот да се поврзат, подобро да се разберат и да ја обликуваат својата заедничкаиднина. Обезбедува платформа за младите да се вклучат, да соработуваат и да се залагаат за иднината заснова на меѓусебно почитување, доверба и родова еднаквост. Преку вклучување, еднаквост и доверба, оваа иницијатива има за цел да ги крене гласовите и аспирациите на младите луѓе од Западен Балкан, поттикнувајќи градење на заедничка иднина на регионот заснована на заеднички интереси, ставови и вредности.
Фото: Принтскрин/МТВ1
