Проекција на кратки филмови од 15 млади македонски автори ќе се одржи вечерва во 20 часот во Кинотека на Македонија. Под наслов „Процеп“ ќе бидат бидат прикажани дела од младите филмски уметници кои следат формална уметничка настава и во тие рамки создаваат филмски дела во склоп на факултетите, но и надвор од нив.
– Застапени се и млади автори кои аматерски или полуаматерски создаваат квалитетни филмски дела и се занимаваат со филм. „Процеп“ претставува простор во кој ќе може да се претстават млади автори од генерацијата што доаѓа и претставува еден пресек на нивните дела – велат организаторите.
На програма улествуваат: Марија Перчинковска – „Нур“, Ана Марија Јанковиќ – „Јаболко“, Лука Јованоски – „Едноминутен ден“, Стефани Трпеска – An Interview With Bounty Hunter Nanny, Розе Симоновска – „Крапска река“, Александар Несторовски – „Рамка“, Тина Величковиќ – „Прогестерор (Н)“, Леонид Велковски – „Црното платно“, Никола Смилевски – „Звукот на сведоците“, Леона Јариќ – The Life Of The Board, Кристијан Костадиновски – „Замолчена“, Иво Велчевски – „М“, Филип Лафазановски – „Под мостот“, Марија Гушкова – „Есотерикос“ и Катерина Николовска – Fixational craze.
