KСП „Центар Јадро“ во рамки на проектот „Артс хаб“ отвора јавен повик за поддршка на автори во создавање авторски аудиопоткаст. На повикот ќе се одберат 5 апликации кои меѓудругото ќе добијат и поединечен хонорар од 8000 денари бруто износ. Секој(а) што сака да го пренесе своето знаење, страста за своето хоби, алармот за одредени состојби и критика на делата од омилените автор(к)и, е добредојден(а) да се пријави на повикот.
Темите се екологија и заштита на животна средина; ментално здравје; јавни простори и архитектура; критика или анализа на современи дела од областа на културата (театар, книжевност, музика, филм итн).
KСП „Центар Јадро“ ќе обезбеди техничка опрема и простор при снимањето, менторство и помош во осмислувањето на разговорот, промовирање на епизодите на нашите социјални мрежи и краток курс од 5 часа за снимање и постпродукција на поткаст кој ќе го одржи Младен Павлески од BPM Streaming.
Вашата обврска ќе биде да ја спремате содржината на поткастот, контакт со евентуални гости и водење на поткастот. Поткастот може да го водите во тандем со уште една личност. Поткастот треба да трае минимум 30 минути.
За пријавување потребно е да испратите мејл на centar.jadro@gmail co назнака „Поткаст на Центар-Јадро“ во кој ќе наведете:
концепт за поткастот (до пола страна);
ваше кратко био;
претходно искуство со овој или сличен медиум;
дали ќе имате гости на поткастот и кои би биле тие;
колку епизоди планирате (минимум две, максимум четири, со можност за продолжување доколку има ентузијазам од страна на автор(к)ите);
дали ќе водите соло или со уште некој(а).
Краен рок за испраќање на апликациите е 19 март. Добиените апликации ќе бидат оценети од страна на тимот на КСП Центар-Јадро, а информациите за избраните автор(к)и на поткастите ќе бидат објавени најдоцна до 22 март.
Овој проект се реализира со финансиска поддршка на Фондација отворено општество – Македонија (ФООМ).
