Во Уметничката галерија „Безистен“ во Штип вечерва во 19 часот ќе почне првото издание на Фестивалот за современа музика. Вечерва ќе настапи камерното „Трио Академико“ во состав Златка Митева – флејта, Бранко Павловски – кларинет и Наташа Трбојевиќ – пијано. Тие ќе изведат дела од Евазен, Кавалини, Шмит, Сен-Санс и Јанковски.
Утревечер во 19 часот во „Безистен“ ќе настапат најдобрите студенти на Музичката академија кои ќе се претстават со дела од различни композитори и епохи. Фестивалот го организира Музичката академија и Универзитетот „Гоце Делчев“ во Штип.
