Второ и трето место освоија студентите од Правниот факултет „Јустинијан Први“ при Универзитетот „Св. Кирил и Методиј“ во Скопје на меѓународниот натпревар Philip C. Jessup International Law Moot Court. На престижниот натпревар учествуваа студентите Христијан Зафироски, Елена Јаман, Соња Атанасова, Леона Кичеец и Виктор Кочински, предводени од менторите проф. д-р Сашо Георгиевски и доц. д-р Љупчо Стојковски.
– Phillip C. Jessup е најголемиот натпревар по меѓународно право кој се бави со случај пред меѓународен суд на правда меѓу две држави. Ние зедовме второ и трето место за најдобри пишани поднесоци – вели студентот Кочински за Умно.мк.
На натпреварот годинава учествуваа 574 универзитети од 90 земји.
