„Тома“ во режија на Драган Бјелогрлиќ, биографски филм за југословенската легенда Тома Здравковиќ од вечерва во 20 часот ќе биде прикажуван во 3Д Кино во Битола. Главната улога ја игра Милан Мариќ, а во актерската екипа се и Тамара Драгичевиќ, Петар Бенчина, Андрија Кузмановиќ и Сања Марковиќ.
Филмот е приказна за една душа која својата тага, страдање и среќа ја испеа во најубавите песни. „Тома“ е импресионистички портрет на Тома Здравковиќ, кој ги прикажува неговите почетоци и врвот на славата, неговите љубови кои го инспирирале за компонирање на некои од најголемите хитови, како и односот со голем број пријатели од уметничкиот свет на Југославија. Тоа е приказна за достигнувањето неочекувани висини на популарноста, но и на дното на животот.
Филмот ќе биде прикажуван до 25 октомври во различни термини.
