Фимот „Тага“ на Тина Величковиќ е во селекција за најдобар студентски краток филм кој од вчера до 17 јули се одржува Silver Frame Film Fest во Сребреница. Директор на фотографија е Димитар Атанасовски, а дел од екипата се: Филип Трајковиќ, Горјан Атанасов, Мaрко Рикалоски, Стефан Ѓоргиевски, Ивица Димитријевиќ, Стефан Николовски, Филип Христовски, Александар Микиќ и Ања Митиќ. Филмот, заедно со уште пет други кратки филма е номиниран во категоријата Регионалната натпреварувачка програма за студентски краток филм.
„Тага“ во јуни доби награда за најдобар филм на Филмскиот фестивал во Рамно Село, Војводина. Таму беше нагласено дека ракописот и снежниот авторски печат го издвојуваат овој филм од конкуренцијата и затоа беше прогласен најдобар студентски филм.
Средовечен маж, заглавен на работа за време на финансиски проблеми, не може да најде со кого да разговара. Постојано е опкружен со случајни луѓе, но никој не е подготвен да го слуша. Поради тоа се фрустрира, а кулминацијата на неговата фрустрација ја уништува единствената шанса што ја добива да разговара со некого.
Како дел од натпреварувачката програма на фестивалот во Сребреница, во оваа програма ќе бидат прикажани шест кратки филмови од нови автори. Овие филмови ја претставуваат најсовремената работа на талентирани студенти од: Академија за изведувачки уметности (АСУ), Сараево, Босна и Херцеговина, Факултет за драмски уметности, Белград, Србија, Факултет за драмски уметности, Цетиње, Црна Гора, Академија за драмска уметност, Универзитет во Загреб, Хрватска, ФДУ – Факултет за драмски уметности, Скопје и Академија за театар, радио, филм и телевизија (AGRFT), Универзитет во Љубљана, Словенија.
„Овие соработки ја истакнуваат нашата посветеност за поддршка и негување на нови гласови во киното. Натпреварот ќе прикаже разновиден опсег на перспективи и стилови, нудејќи им на публиката поглед во иднината на филмот низ очите на неговите најперспективни млади режисери“ велат од Silver Frame.
