Студенти од Факултетот за драмски уметности од Скопје учествуваа на 15. Меѓународен фестивал „Диониз“, што се одржа во Ѓаково, Хрватска од 23 до 27 март. Ментори на студентите беа д-р Сузана Киранџиска и вонреден проф. д-р Кристина Леловац. Тие изведоа сцени од драмите на Чехов по испитот од предметот Актерска игра, трет семестар.
Целта на програмата на македонските студенти е да се развијат способностите на студентите за анализа на текст и развивање (градење) драмски лик. Поконкретно, запознавање со системот на К. С. Станиславски, како темел врз кој се развиваат други современи методи во светската театарска пракса.
Учествуваа: Марија Бреслиска, Мартина Даниловска, Андреј Димовски, Талија Ѓорѓиева, Наум Ѓорѓиески, Мина Јелушиќ, Ангела Лефкова, Марко Младеновиќ, Димитар Пасковски, Христијан Ристески и Марија Талеска.
Македонските студенти учествуваа на фестивалот заедно со стотина студенти од театарските академии од Хрватска, Романија, Црна Гора, Босна и Херцеговина и Австрија.
Фото: Силвија Бутковиќ