Специјално признание за филмот „Најсреќниот човек…“ на фестивалот во Палм Спрингс

Филмот „Најсреќниот човек на светот“ во режија на Теона Стругар Митевска освои специјално признание на Меѓународниот филмски фестивал во Палм Спрингс, Калифорнија. Фестивалот се одржува по 24-ти пат и е еден од најголемите во САД. Признанието се доделува во рамките на Mozaik Bridging the Borders Award.

Филмот е копродукција помеѓу Македонија, Словенија, Хрватска, Белгија, БиХ и Данска. Развојот и продукцијата е поддржана од Агенцијата за филм, Creative Europe – MEDIA, Еуримаж, Данскиот филмски институт, Belgium Tax Shelter, Хрватскиот аудиовизуелен центар и Филмскиот фонд од Сараево.

Филмот на Стругар-Митевска ја имаше својата светска премиера во Венеција во септември минатата година, и оттогаш има учествувано на неколку десетици фестивали низ цел свет. „Најсреќниот човек на светот“ беше македонски претставник за наградата за „Оскар“ за странски филм.

Сподели