Крводарителкска акција ќе се одржи утре од 9 до 15 часот во просториите на „Црвен крст“ во Радовиш.
– Да бидеме хумани за оние на кои им е најпотребно. Биди хуман, дарувај крв, спаси нечиј живот – порачувата од „Црвен крст“.
Дарувањето на крв е доброволно, анонимно и бесплатно. Крводарител може да биде секоја здрава личност на возраст од 18 до 65 години. Жените можат да даруваат крв на секои четири месеци, додека мажите на секои три. Дарувањето крв не е болно, не создава навика и не му штети на организмот. Пред секое дарување крв се врши лекарски преглед. На крводарителите како почитувани членови во општеството, „Црвен крст“ им доделува признанија. Со 10 дарувања на крв, секој крводарител е ослобооден од плаќање на сите видови болничка партиципација.
Фото: Црвен крст-Општинска организација Радовиш
