Во галеријара „Драгутин Аврамовски-Гуте“ на Факултет за ликовни уметности во Сули ан во Старата скопска чаршија, вечерва во 19.30 часот ќе биде отворена 37. изложба „Студентска графика – Драгутин Аврамовски-Гуте“. На отворањето ќе биде доделена наградата за најуспешно графичко дело реализирано во академската 2023/2024 година, а воедно ќе биде промовиран новоуредениот галериски простор. Ќе учествуваат студенти од сите студиски години од прв и втор циклус на студии на Катедрата по графика и трансмедиумски практики. Традиционално, наградата подразбира доделување на диплома, еднократна парична награда и стипендија од семејната Фондација „Драгутин Аврамовски – Гуте“ и самостојна изложба во текот на следната академска година во галериите на ФЛУ.
Изложбата ја организира ФЛУ при Универзитетот „Св. Кирил и Методиј“ во Скопје. Фондацијата „Драгутин Аврамовски-Гуте“ ја доделува истоимената награда од 1988 година, кога за прв пат е доделена постхимно во чест на професоророт, еден од основачите на Катедрата по графика.
– Оваа изложба во континуитет од 37 години го привлекува вниманието на студентите, но и на пошироката јавност. За да ја приближи оваа манифестација и развојот на македонската графика до публиката, но и заради се’ поголемиот број на учесници во 2011 и 2012 година Факултетот за ликовни уметности во Скопје, наместо во галеријата во Сули ан, ја организираше изложбата во Националната галерија, во галерискиот простор Чифте амам, а во 2013 година, со поддршка на НЛБ Тутунска Банка, во галерискиот простор на банката. Од 2014 година оваа манифестација се оддржуваше во новата галерија при ФЛУ, во зградата што ја делиме со Педагошкиот факултет. Од оваа година изложбата се враќа во Сули ан – вели проф. д-р Славицс Јанешлиева, декан на ФЛУ.
Досегашни добитници на наградата се: Виолета Чаповска, Валентина Стефановска, Дејан Стојановиќ, Александар Прилепчански, Гордана Даутовска, Оливер Мусовиќ, Весна Величковска, Давид Георгиевски, Милан Андов, Александар Тасески, Александар Димовски, Јован Јовановски, Марија Најденовска, Даниела Јордановска, Гоце Трајковски, Елена Стојанова, Никола Арсовски, Македонка Величковска, Андријана Начевска, Маја Ковачевска, Горан Трпков,
Милан Костадиновски, Никола Бојаџиев, Ана Јовановска, Мила Трендафиловска, Марко Илиевски, Ема Наумоска, Ѓорги Динев, Стефан Младеновски, Дејвид Стоилковски, Југослава Василеска, Стефан Божиновски, Милена Петковска и Евгенија Трајковска.
