Македонската квиз асоцијација го организира првото Државно квиз првенство на Македонија на 15 септември (во 11 часот), во Културно-едукативниот центар „Лабораториум“ во Скопје. Првенството е отворено за професионалци и дебитанти во индивидуални натпреварувања и во двојки.
-Ги покануваме заинтересираните да ни се придружат на ова првенство односно оваа интересна и интелектуална квиз-забава, каде што можете да се натпреварувате и да го споделите вашето знаење од разни занимливости! Единствени критериуми што е потребно да ги исполнуваат натпреварувачите е да сакаат да го покажат своето знаење и да сакаат дружба и забава и најважно, сите нешто да научиме. Ве охрабруваме, сите што имате желба да учествувате на вакви настани, да ни се придружите – велат од Асоцијацијата.
Државното квиз првенство на Македонија се состои од два настана, поединечно натпреварување и натпревари во двојки.
Поединечното натпреварување се состои од пишани тестови со 200 прашања од осум различни области (спорт, наука, историја, свет, медиуми, животен стил, култура и забава) на кои што секој учесник треба да одговори точно, на што поголем број прашања, за два часа. Автор на квизот е Небојша Ангелов, искусен натпреварувач и победник на телевизиски квизови.
Натпреварите во двојки се состојат од вкупно 200 прашања што ќе бидат распоредени во три дела. Првите два дела се состојат од по 80 прашања и времето за нивно решавање е 45 минути, а по нивното прегледување, најдобрите парови учествуваат во третиот финален дел што се состои од 40 прашања и се решава 30 минути. Поените од трите дела се собираат со тоа што поените освоени во финалната рунда вредат двојно. Автор на овој квиз е иднината на македонската квиз сцена, Жан Павлов.
Од МКА ги канат сите заинтересирани на учество на првенството и членство во асоцијацијата која организира мноштво квиз настани во текот на целата година и низ разни градови низ земјата. Поединечната котизација за секој од квизовите изнесува 200 денари, додека за учесниците кои се пријавени на двата квизови ќе ги чини 300 денари. Котизацијата можете да ја уплатите во живо на денот на одржување на првенството или на жиро сметката на МКА: 210075841210139.
Пријавувањето можете да го направите на следниот линк.
