Во Центарот за култура „Трајко Прокопиев“ во Куманово, вечерва во 20 часот ќе се одржи промоција на книгата „Теофил Коњокрадица“ од Милош Стаменковиќ. Утревечер во 19 часот промоцијата е закажана во кафе-книжарница „Буква“ во Скопје.
Стаменковиќ (1975 г.) е роден во Куманово. Дипломирал на Факултетот за меѓународен менаџмент во Белград. Досега има објавено две книги: „Трета светска војна и новиот поредок“ (2002) во која пишува за геополитиката и светските настани засновани на финансиите и религијата, конфликтот меѓу Западот и исламот за создавање нов финансиски систем и изгради Соломоновиот храм. Во 2019 година го објавил романот „Мртвите и лимената гуска“, модерен роман за библиското учење. Колумнист е на весникот „Слободен печат“, магазинот „Капитал“ и „Куманово њуз“.
