Промоција на книгата „Простори на љубовта“ од поетесата Сузи Тенева ќе се одржи вечерва во 19 часот во мултимедијалниот културен центар „Матица ексклузив“ од Скопје. Делото ќе го промовира проф. д-р Лидија Дракулевска-Капушевска, а стихови ќе интерпретира актерот Ѓорѓи Јолевски.
– Песните во поетската книга на Тенева прозвучуваат како филозофски сентенции, на моменти како афоризми, сосема во духот и определбата на авторката – пишува во рецензијата Дракулевска-Капушевска.
