Промоција на „Културолошки точки на Македонија“ од Александар Јорданоски

Во Музеј на македонската борба за државност и самостојност денеска во 12 часот ќе се одржи промоција на книгата „Културолошки точки на Македонија“ од Александар Јорданоски. Промотори на делото се Марјан Патлиџанковски, книжевник и Марјан Гијовски, историчар. Модератор е Даниела Станковска-Плачковска.

– Патриотизмот на денешницата нужно побарува квалитативно потпирање на минатото како основа за постоењето, истовремено, освојување на европските и светските уметнички сцени, европските и светските спортски мундијали, изградување општествени, економски и политички релации со светот кои значат вклучување во светскиот крвоток, но не претопувајќи во масата, ами со зачувана индивидуалност и интегритет, збогатувајќи го тој крвоток со свој печат – пишува во извадокот од книгата.

Сподели