На летната сцена во Кинотека на Македонија вечерва во 20.30 часот ќе се одржи проекција на концертот на Амира Медуњанин одржан во пулската „Арена“ на 3 август 2018 година. Проекцијата е во рамките на соработката на Кинотеката со Croatia Records и прикажување на концерти од нивната Blu Ray програма.
Амира Медуњанин настапува со Бошко Јовиќ (гитара), Анте Гело (гитара), Бојан Зулфикарпашиќ (клавир) и Звонимир Шестак (контрабас), како и гостите, меѓу кои и македонскиот музичар Исмаил Лумановски (кларинет) и Никола Стајиќ (електрична гитара).
Концертот трае 2 часа, а изведени се прочуените севдалинки: „Емина“, „Где си душо, где си рано“”, „Што те нема“, „Ја излези, Ѓурѓо“, „Ој ти момче, Охриѓанче“, „Си заљубив едно моме“ и други.
Ако врне, концертот ќе се одржи во Кинотеката.
