Пријавете се на трката „Халк еко Скопје трча“

Отворено е пријавувањето за 8. издание на трката „Халк еко Скопје трча 10км“ што годинава ќе се одржи на 12 мај. Сите кои сакаат да бидат учесници, ќе може да се пријават најдоцна до 30 април. Доколку се пополни предвидениот број на учесници, пријавувањето ќе биде затворено и порано.

Право на учество во трките имаат сите државјани на Македонија и странски државјани, од двата пола, а при самиот процес на пријавување, потребно е секој учесник да го одбере неговото таргет време со кое планира да ја заврши трката. Учесниците ќе бидат поделени во пет стартни боксови според таргет времето.
Стартот на трката ќе биде во 09:00 часот на булевар „Илинден“ во близина на Фонтана „Лотос“ и на истото место ќе биде и целта на трката. Ќе се трчаат 10 километри по булевар „Илинден“ и по дел од булевар „Партизански одреди“.

Церемонијата на доделување награди ќе започне по завршување на трката. На трката со 10 км, првите 5 места во машка и женска конкуренција ќе бидат парично наградени и највисоката парична награда ќе изнесува 30.000 денари.
Организатор на трката е Сојузот на спортови на Скопје, во соработка со А.К. Скопски  маратон, А.К.Работнички, додека покровител е Агенцијата за млади и спорт и Град Скопје.
Патеката на „Халк Еко Скопје Трча 10км“ е измерена и сертифицирана од страна на овластено лице од АИМС и Светска Атлетика.

www.skopje.run

Сподели