Фестивалот на краток филм „Филмај“ од Куманово ги поканува филмските автори да аплицираат со своите филмови за претстојното петто издание на фестивалот, што ќе се одржи во мај. Конкурсот е отворен до 31 март, преку платформите Festhome и FilmFreeway. Организатор на фестивалот е фото-кино клуб „Козјак” од Куманово. Досега се пристигнати стотина наслови, од кои дузина се на македонски автори. Филмовите ќе ги оценува жирито во состав: Симона Димковска, Борна Зидариќ и Мартин Давитковски.
Резултатите ќе бидат објавени при крај на април, а самиот фестивал ќе се одржи во две вечери (30 и 31 мај 2023), во Занаетчиски дом – Куманово.
Претходница на фестивалот ќе биде ревијална вечер на 11 мај, во рок-бар “Валхала” во Куманово, каде ќе биде прикажан избор од кратки филмови од првите четири изданија на фестивалот.
Фото-кино клуб „Козјак” годинава одбележува 75 години постоење.
