Претставата „Под половина капка вода“ во групна режија и продукција на Station for new service од Србија, ќе биде изведена вечерва во 19.30 часот на големата сцена на Центарот за култура во Битола. Претставата е во рамките на Фестивалот на детскиот театар „Битолино“, што ќе заврши вечерва.
Од 20.30 часот ќе следува настапот на театарската организација „Лофт“ од Загреб со претставата „Лила“, наменета за публика над 3 години.
Во изминатите неколку дена децата можеа да уживаат во остварувањата на театри од повеќе земји, да сретнат различни култури.
Организатор на фестивалот е „Бабец театар“, чии претставници уште на отворањето гласно и со транспаренти посочија дека редно е да добијат и свои простории, своја сцена.
Членови на жирито што ќе ги подели наградите се: Благој Мицевски, Миодраг Неќак и Игор Ивковиќ.
