Кревки, а моќни стихови за сведоштвото на сегашноста и заборавот на минатото, за човекот како одрано битие на жртвеникот на љубовта, болката, болеста, векот, нежни и цврсти стихови за надежта, детството, споменот, стихови – спокој и бабот, толку миткогоговски, толку наши, пишува Лидија Димковска за новата збирка на Митко Гогов „Линијар. Бројки“, објавена неодамна. Ви претставуваме песна од изданието на „Макавеј“.

 

VII

 

датумите се

алишта кои се сушат.

надвор невреме.

XII

детскиот чекор

се учи дома. затворен

од светскиот бол.

XVI

скокот е откажан

за подоцна. утре повеќе

инфо. мериме.

XXV

светилникот го

поздравува бродот. еве

ја радоста. доаѓа.

XXX

родот не е

преодени стапки и солзи –

гордост и болка е.

 

 

УСЛОВИ ЗА ПРЕЗЕМАЊЕ
Текстовите, фотографиите и останатите материјали што ги објавува Умно.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Умно.мк.