Никола Спировски освои злато – прво за Македонија на Балканската математичка олимпијада

Средношколецот Никола Спировски го освои првиот златен медал за Македонија на 39. Балканска математичка олимпијада (БМО) која се одржа во Аргос, Кипар. Нашиот шестчлен тим освои четири медали и две пофалници. Сребро освоија Дамјан Давков (единствениот основец во нашата репрезентација) и Јан Стојановски, а Алексиј Тасиќ освои бронзен медал. Јасна Илиева и Блаже Суклевски освоија пофалници.

– Вреди да се напомене дека екипата оваа година го постигна најголемиот екипен успех со освоени 118 поени – соопштија од Сојузот на математичари на Македонија кои го организираа учеството на нашиот тим.

Лидери на тимот беа Никола Велов и Петар Филиповски.

Сподели