Марјан Марковиќ во Одделението за лингвистика и литературна наука, Драги Ѓоргиев во Одделението за општествени науки, Александар Димовски, Сашко Кедев и Димитар Ефремов во Одделението за медицински науки се новите редовни членови на Македонската академија на науките и уметностите. Тие беа избрани вчера на 20. изборно собрание на Академијата.

За дописни членови на МАНУ се избрани Веселинка Лаброска и Лилјана Макаријоска во Одделението за лингвистика и литературна наука, Сашо Цветковски во Одделението за општествени науки, Дијана Плашеска-Каранфилска во Одделението за медицински науки, Зоран Хаџи-Велков во Одделението за технички науки, Валентин Мирчески во Одделението за природно-математички и биотехнички науки и Венко Андоновски во Одделението за уметност.

За членови надвор од работниот состав на Академијата се избрани Татјана Вендина во Одделението за лингвистика и литературна наука, Жозеф Глигоров во Одделението за медицински науки, Наташа Јоновска и Панче Наумов во Одделението за природно-математички и биотехнички науки.

УСЛОВИ ЗА ПРЕЗЕМАЊЕ
Текстовите, фотографиите и останатите материјали што ги објавува Умно.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Умно.мк.