Македонскиот народен театар со претставата „Лагата“ вечерва во 19.30 часот ќе учествува на 23. Традиционален фестивал „Албански театар во РСМ“ во Дебар. Претставата од Флоријан Зелер, e во режија на Бесфорт Идризи, а играат: Јордан Симонов, Габриела Петрушевска, Оливер Митковски и Драгана Левенска.
Покрај учеството на 31. Фестивал на камерен театар „Ристо Шишков“ во Струмица, каде што актерот Јордан Симонов за улогата на Павле, го доби највисокото актерско остварување, лауреат, ова е второ фестивалско учество на претставата. Фестивалската програма започна на 24 и ќе трае до 30 септември 2024 година. Во натпреварувачкиот дел од програмата учествуваат седум претстави од театри од нашата земја, Албанија и Косово, а во изминатите години до сега на фестивалот учествувале повеќе од 180 претстави од Македонија, Албанија, Косово, Србија, Црна Гора, Франција, Швајцарија и од САД.
