Изложба на фотографии направени за време на среднозимскиот цензус за водни птици во Македонија ќе биде отворена вечерва во 20 часот во КСП Центар Јадро во Скопје. Оваа научна и граѓанска активност Македонското еколошко друштво ја спроведува веќе 14 години.
– Март е синоним за пролетта, за почести излегувања од дома и дружби со луѓе. Затоа сакаме да ве потсетиме уште еднаш дека на првиот ден од март, па во наредните два дена организираме изложба на фотографии, плод на 14-годишниот среднозимски цензус на птици од водните површини низ Македонија – велат од МЕД.
