Наградата „Европска жена на годината“, што ја доделува Делегацијата на Европската Унија во земјава, ја доби Илина Арсова. Таа освои најмногу гласови на фејсбук-гласањето, кое траеше изминатата недела.

Во својата видеопорака на церемонијата што се одржа синоќа во Даут-пашиниот амам, таа изјави дека „нема сон што е недостижен, ниту цел која е невозможна“.

Пет исклучителни жени успешни во својата работа беа кандидатки за наградата. Покрај Арсова, кандидатки беа: Маја Мојсова Мијовска, Дина Дума, Дита Старова Ќерими и Наталија Бургиева. Нив пред јавноста ги претставија амбасадорките Нивес Тигањ (Хрватска), Анке Холстајн (Германија), Кристин Форсгрен Бенгтсони (Шведска), Моника Аксинте (Шпанија) и ЕУ амбасадорот Дејвид Гир.

На настанот учествуваше и Елизабета Ѓоргиевска, сопругата на претседателот Стево Пендаровски.

УСЛОВИ ЗА ПРЕЗЕМАЊЕ
Текстовите, фотографиите и останатите материјали што ги објавува Умно.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Умно.мк.