Уште еден голем успех доживеа македонската репрезентација на Европската женска математичка олимпијада, што се одржува во унгарскиот град Егер. Со бронзен медал се закитиа Јасна Илиева и Марија Атанасова, а пофалници освоија Емилија Николовска и Ивона Зикова.
Два бронзени медали и две пофалници освои нашиот четиричлен тим. Нивната менторка, проф. д-р Анета Гацовска-Барандовска сподели со јавноста за големиот успех.
– И така уште една успешна математичка приказна се ближи кон крајот. Остана само да прославиме. Две бронзи и две пофалници и уште подобар тимски резултат од лани. Браво девојки! – сподели Гацовска-Барандовска.
Менторка на нашата репрезентација беше и Ерблина Зеќири, димпломиран математичар, виш лаборант.
Тимот во овој состав и минатата година забележа голем успех, освојувајќи златен, сребрен и бронзен медал.
фото: ЕГМО 2022
