Детскиот филм „Стакленото момче“ во режија на Самуеле Роси премиерно се прикажува во пет града низ Македонија. Филмот викендов премиерно ќе биде прикажан и во киното „Милениум“ во Скопје (18 и 19 декември од 13 часот, а се прикажува во Центар за култура „Ацо Шопов” во Штип (19 часот), Центарот за култура Битола (19 часот), Центар за култура „Ацо Ѓорчев“ – Неготино (18.30 часот) и Центар за култура „Ацо Караманов“ во Радовиш.
„Стакленото момче“ е инспириран од истоимената книга на италијанскиот автор Фабрицио Силеи, добитник на Андерсоновата награда. Приказната допира важна тема, а тоа е потребата на децата да го надминат стравот од живеењето со болест, во случајот хемофилија.
Стакленото момче Пино Гамбаси е дете што страда од хемофилија и гори од нескротлива желба за слободна и бескрајна храброст: решава да ја почне својата авантура во светот и да им покаже на сите дека може да живее како и секое друго дете.
Филмот е копродукција меѓу Италија, Австрија и Швајцарија. Дистрибутер е „Узенгија“ од Скопје, а дистрибуцијата е поддржана од Италијанската национална асоцијација на аудиовизуелни индустрии АНИКА.

УСЛОВИ ЗА ПРЕЗЕМАЊЕ
Текстовите, фотографиите и останатите материјали што ги објавува Умно.мк се авторски. Крадењето авторски содржини е казниво со закон. Бесплатно преземање е дозволено исклучиво на 20 отсто од содржината со задолжително цитирање на медиумот и хиперлинк до оригиналната содржина на Умно.мк.