Крводарителска акција во чест на Тоше Проески ќе биде организирана задутре, на денот на раѓањето на трагично загинатиот пејач. Акцијата по 19. пат ја организираат Црвениот крст на град Скопје и Црвен крст на Македонија (Општинска организација Центар) во соработка со Институтот за трансфузиона медицина во спомен на роденденот на големиот хуманист и крводарител.
Крводарителската акција ќе се реализира на задутре (25 јануари) во холот на Домот на АРМ од 9 до 17 часот.
– Оваа крводарителска акција стана веќе препознатлива во нашиот град и е посетена од голем број граѓани, а пред сѐ помладата популација која во ликот на Тоше Проески препознава пример на хуманост. Досега, на овие акции реализирани се повеќе од 5.300 единици крв – велат од Црвен крст.
