Средношколецот Дамјан Давков освои бронзен медал за Македонија на 35. Интернационална олимпијада по информатика која се одржува во Сегедин, Унгарија. Пофалница доби Марко Петров, а добар пласман освоија и натпреварувачите Благој Рујаноски Стојановски и Иван Занов.
Дамјан Давков
Подготовките и улеството на нашиот тим на светската олимпијада го организираше Здружението на информатичарите на Македонија. Водачи на нашиот тим беа д-р Емил Станков и Владислав Бидиков.
ИОИ почна на 28 авгист, а завршува денеска. На натпреварот учествуваа 360 натпреварувачи и 189 тим-лидери од 90 земји од светот. Давков пред два месеца освои историски златен медал за Македонија на Интернационалната математичка олимпијада што се одржа во Јапонија.
Фото: Здружение на информатичарите на Македонија
