Во „Јавна соба“ во Скопје денеска од 11 до 15 часот ќе се оддржи третиот базар, досега најголем, на кој ќе бидат изложени облека, книги, играчки и други прозиводи „од втора рака“, како и рачно изработени накит и аксесоари.
– Ќе доживеете едно сосема поинакво пазарење, во забавна, опуштена и пријателска атмосфера. Има голема можност да се најде нешто уникатно што го нема во регуларните трговски центри – велат организаторите.
На базарот ќе има 35 штандови. Трендот за second hand модата е во нагорна линија, од страна на изложувачите, но и од страна на посетителите. Голем број посетители ги поддржуваат овие мали и локални бизниси, а воедно прават добро и за својот буџет и животната средина.
